Pasditen e djeshme, policia shqiptare vuri në pranga një 50- vjeçar nga Peja si të dyshuar për grabitjen e ndodhur rreth dy javë më parë në Rinas. Ragip Hajdini u vu në pranga gjatë një aksioni të policisë në Kavajë dhe është personi i gjashtë i arrestuar për vjedhjen e 6.7 milionë eurove në aeroportin e vetëm të Shqipërisë.
Gazeta Express zbulon detaje në lidhje Ragip Hajdinin.
Ai është nga lagjja “Kapeshnicë” e Pejës dhe njihet me emrin “daja”.
Hajdini është shok i ngushtë më një biznesmen të njohur në Kosovë. Deri pak kohë më parë biznesmeni në fjalë ka qenë edhe Konsull Nderi i Shqipërisë në Kosovë, ndërsa sapo ndodhi grabitja në Rinas, ky i fundit ka zhdukur numrin shqiptar.
Gjithashtu i arrestuari Ragip Hajdini është shok i ngushtë i vëllait të një ministri në Kosovë.
Ndërsa sipas mediave ai është i përfshirë edhe në grabitjen e 25 kg ar nga Dhoma e Dëshmive në Policinë e Pejës.
50- vjeçari nga Peja gjatë vitit 2008 ka qenë i burgosur në Gjermani.
“Në vijim të veprimeve të kryera nga një grup i posaçëm hetimor për zbardhjen e ngjarjes së datës 09.04.2019 në aeroportin e Rinasit, informojmë se është kapur dhe ndalur shtetasi R.H., 50 vjeç, lindur e banues në Pejë, i dyshuar si një prej autorëve të kësaj ngjarje./Express
