Vetëm një ore para protestës së Lëvizjes Vetëvendosje kundër tij, Kryeprokurori i Shtetit, Aleksandër Lumezi ka zgjedhur të mbjellë një pemë në kujtim të viktimave të krimit. Ai ka nominuar në sfidën për të mbjellë një pemë edhe Ambasadorin e Zvicrës në Kosovë, Jean Hubert Lebet dhe Kryetarin e Gjykatës Supreme të Kosovës, Enver Peci, shkruan Express.
Sfidës për të mbjellë një pemë, i është bashkuar sot edhe Kryeprokurori i Shtetit, Aleksandër Lumezi. Ai sot ka mbjellur një pemë në oborrin e Prokurorisë së Shtetit në kujtim të të gjitha viktimave të krimit në Kosovë.
Kryeprokurori Lumezi është shprehur se nominimi për këtë sfidë nga znj. Vasfije Krasniqi – Goodman, përbënë nder, njëkohësisht edhe një detyrimin qytetarë që duhet të na vetëdijesoj të kujdesimi më shumë për ambientin në të cilin jetojmë.
“Me kënaqësi kam pranuar këtë sfidë nga znj. Krasniqi – Goodman e cila personifikon shembullin me të mirë të një heroine. Këtë pemë të mbjellur ia dedikoj të gjitha viktimave që kanë pësuar nga të gjitha format e krimit në periudha të ndryshme në Kosovë. Po ashtu, si qytetarë duhet të kujdesimi më shumë për ambientin që na rrethon, në mënyrë që të kemi një mjedis më të shëndetshëm dhe më të pasur”, ka thënë Lumezi.
Të nominuarit për këtë sfidë nga Kryeprokurori i Shtetit, Aleksandër Lumezi janë: Ambasadori i Zvicrës në Kosovë, Jean Hubert Lebet dhe Kryetari i Gjykatës Supreme të Kosovës, Enver Peci./Express
