Kryeshefi Gazmend Morina dhe punëtorët e kompanisë rajonale të pastrimit “Uniteti” në Mitrovicë, janë sulmuar mbrëmë nga 20 persona.
Lajmin e ka konfirmuar për Insajderin vet Morina. Ai tha se mbrëmë me urdhër të udhëheqësve të restorantit “Ibri” është bllokuar rruga që qon drejt deponisë së mbeturinave në Koshtovë.
Morina thotë se kur kanë shkuar sot për të parë gjendjen, ai dhe punëtorët e kompanisë janë sulmuar fizikisht.
“Kemi shkuar sot që ta shohim gjendjen se pse nuk po i lejojnë kamionët me kalu nga ajo rrugë. Na kanë sulmuar 20 veta me gurë e fizikisht fytyrës. 20 veta me gurë të mëdhenj. Ata janë banor të këtij fshati dhe këtë sulm e kanë bërë të organizuar nga pronari i restaurantit”, tha Morina për Insajderin.
Për më tepër Morina tha se sulmi është kryer në prani të dy policëve./Insajderi.com
