110 persona qytetarë të Kosovës, të cilët ishin në zonat e konfliktit në Siri janë kthyer javën e kaluar në Kosovë. Kthimi i tyre u bë nga Turqia me një aeroplan që mbante flamurin amerikan. Kthimi në Kosovë i tyre ishte pjesë e një plani në koordinim të plotë me SHBA.
Politikani Fuad Ramiqi ka folur në emisionin Pressing në T7 për kthimin e këtyre kosovarëve. Ai ka treguar se gratë që kanë qëndruar në Siri nuk kanë marrë pjesë në asnjë luftë.
“ Nuk besoj që gratë e Kosovës kanë luftuar në Siri. Burrat ndoshta kanë marrë pjesë në ndonjë lufatë, ama gratë jam i sigurtë s’kanë marrë pjesë në ndonjë luftë” , ka thënë Ramiqi.
Ai thotë se nuk duhet te flitet në përgjithësi për njerëzit që kanë qëndruar në Siri.
“ Nuk mund të flasim më paragjykime për ta ose edhe më përgjithësime”.
- Advertisement -
