Flamurtari i ka bërë një nder rivalit të kryeqytetit, Prishtinës, duke e ndalur liderin e Superligës së Kosovës, Feronikelin, për ta bërë edhe më interesante garën për titull.
Flamurtari e Feronikeli barazuan 0-0 në ndeshjen që u zhvillua në stadiumin “Fadil Vokrri” në Prishtinë, e vlefshme për xhiron e 24-të në Ipko Superligë, raporton Gazeta Express.
Pavarësisht barazimit, Feronikeli mbetet lider në renditjen e ipko Superligës me 56 pikë të grumbulluara, tri më shumë se Prishtina.
Diferenca është ngushtuar tani edhe me Llapin, pasi ata gjenden në pozitën e tretë me 51 pikë të grumbulluara, 5 më pak se Feronikeli.
Kurse Flamurtari, që e ndali Feronikelin, renditet në pozitën e nëntë me 29 pikë të tubuara. /Gazeta Express/
- Advertisement -
