Në institucione publike po vazhdojne të “rehatohen” familjarë të pushtetit aktual në Kosovë.
Përveq shumë raportimeve nëpër media ditëve të fundit, tashmë merret vesh se edhe vajzat e dajëve të kryeministrit dhe kandidatja e AAK-së për kryetare të Drenasit kanë gjetur vend në institucionet publike.
Komuna asfalton rrugë në disa fshatra të Prishtinës
Në korrik të këtij viti, vajza e dajës së kryeministrit, Ramush Haradinaj, Ekzotina Brahimaj, i bën një vit punë në Ministrinë e Zhvillimit Rural. Pozita e saj është zyrtare e prokurimit.
Vendimi për punësimin e saj është marrë më datë 16 korrik 2018, gati një vit pasi familjari i saj, Ramush Haradinaj ka marrë votat e deputetëve për të qeverisur me Kosovën, shkruan Koha Ditore.
Edhe pse kjo ministri udhëhiqet nga përfaqësuesi i minoriteteve joserbe, Rasim Demiri, Aleanca për Ardhmërinë e Kosovës, familjarë të Haradinajt, familjarë të stafit të Haradinajt, asamblistë e militantë të kësaj partie kanë arritur që për një vit të zënë nga një vend pune në këtë ministri.
Në një tjetër pozitë është punësuar edhe e afërmja e Ekzotinës, Lirjeta Brahimaj, po ashtu vajzë e dajës tjetër të kryeministrit. Ajo është punësuar në “Telekom”.
Të tjerë njerëz të afërt me AAK-në gjatë këtij viti janë bërë pjesë e Ministrisë së Zhvillimit Rural.
Poashtu edhe ishte kandidatja e AAK-së për kryetare të Drenasit, merret vesh se në shtator të vitit 2018 ajo është përzgjedhur drejtoreshë e Departamentit për Integrime Evropiane dhe Koordinim në këtë ministri.
