Instituti Demokratik i Kosovës (KDI) ka thënë se Ministria e Infrastrukturës (MI) ka lidhur kontrata për mirëmbajtje të rrugëve nacionale dhe regjionale verore dhe dimërore, sipas të cilave punëtorët paguhen me 0.01€ deri në 5.00€ për orë pune, transmeton Gazeta Metro.
KDI në një postim në Facebook ka njoftuar se tri kompanitë me të cilat MI ka nënshkruar kontratat, sipas KDI’së, në ofertat e tyre kanë deklaruar se puntorët i paguajnë me me 0.01€; 0.10€; 0.20€ dhe 0.30€ për orë pune.
“Me pranimin e këtyre ofertave, Ministria e Infrastrukturës ka legjitimuar shkeljen e të drejtave të punëtorëve të mbrojtura me Ligjin e Punës si dhe ka vepruar në kundërshtim me Rregullat dhe Udhëzuesin Operativ për Prokurim Publik”, thotë KDI në njoftim e saj në Facebook./gazetametro.net
