Gjykata Themelore në Prishtinë ka refuzuar kërkesën e SBASHK-ut, përmes së cilës kanë kërkuar që të anulohet vendimi i MASHT-it, për kompenzimin e orëve të humbura gjatë grevës, njofton Gazeta Blic.
Gjykata Themelore, ka thënë se pala paditëse nuk ka dhënë fakte të mjaftueshme, dhe nuk e ka bërë të besueshme pretendimin e saj se shtyerja e ekzekutimit të vendimit të cilin e kërkon nuk është në kundërshtim me interesin publik.
Kundër këtij aktvendimi, SBASHK-u ka të drejtë ankese në një afat kohor prej 15 ditësh.
Ndryshe, vendimi i ministrisë për kompensimin e orëve thotë se pesë ditë të zëvendësohen nga pushimi pranveror, pesë ditë të shtuna të zëvendësohen gjatë vitit shkollor 2018/2019 dhe pesë ditë të zgjatet përfundimi i vitit shkollor 2018/2019.Gazeta Blic./
