Ministri i Infrastrukturës, Pal Lekaj, ka prezantuar projektet infrastrukturore të planifikuara për Komunën e Drenasit.
Lekaj përmes një shkrimi në llogarinë e vet në Facebook, ka thënë se për vitin 2019 për këtë komunë do të shpenzohen 1 milion e 50 mijë euro, shkruan Drenicapress.info
Shkrimi i plotë i ministrit Lekaj:
Në Drenas këtë vit nisim katër projekte të reja.
Me një buxhet të planifikuar 1 milion e 50 mijë euro sivjet, ndërsa vitin e ardhshëm 1 milion e 300 mijë, në Drenas fillojnë:
Ndërtimi i rrugës Vuçak – Tërdec
Ndërtimi i rrugës tranzit Drenas – Kroni i Mbretit
Ndërtimi i rrugës Gradicë – Zhilivodë
Ndërtimi i rrugës së re Kroni i Mbretit – Liqeni i Vasilevës
Përkushtimi jonë prek secilën komunë të Kosovës, pa dallim.
Shihemi gjatë punimeve, Gllogoc!/Drenicapress.info/
