Këshilltari i Kadri Veselit thotë se shefi i tij nuk është takuar me njerëzit e administratës së Trumpit sepse ka qenë jashtë vendit. Ndërkaq Veseli sot e ka drejtuar seancën e Kuvendit, e delegacioni amerikan kanë qenë po aty, por s’janë takuar.
Avni Bytyqi, këshilltar i Kadri Veselit ka sqaruar arsyen e mungesës së kryeparlamentarit në takimet me delegacionin e lartë amerikan.
Ai në emisionin “Frontal”, ka thënë se Veseli nuk ka qenë në Kosovë ditën kur është mbajtur takimi me delegacionin e Këshillit Kombëtar të Sigurisë në SHBA.
Madje, Bytyqi ka thënë se Veseli e ka lajmëruar një javë më parë ambasadën amerikane në Prishtinë, se nuk do të jetë i pranishëm në takim.
Këshilltari i Veselit thotë se shefi i tij ka pasur ftesë nga amërikanët për takim.
Mirëpo, delegacioni amerikan kanë pasur sot shumë takime me spektrin politik, disa prej të cilave janë mbajtur në Kuvend.
Veseli në sallën e Kuvendit sot ka drejtuar seancën plenare dhe ka qenë në Kosovë, që i bie se ka pasur mundësi të takojë delegacionin e udhëhequr nga John Erath, drejtues për çështjet evropiane në Këshillin Kombëtarë të Sigurisë në SHBA.
