Më 2 shkurt Kuvendi i Kosovës ka miratuar Ligjin për Pagat në sektorin publik, i cili ka hyrë në fuqi automatikisht pasi presidenti Hashim Thaçi nuk e ka kthyer për plotësime shtesë.
Ky Ligj pritet të rregulloj pagesën e të punësuarve që marrin rroga nga buxheti i shtetit, ku koeficienti më i lartë është 10 dhe më i ulëti është 1, kurse vlera monetare e koeficientit për vitin e parë do të jetë 239 euro.
Në bazë të Ligjit për Paga të cilin e ka siguruar Telegrafi, ndryshime në paga ka pasur edhe për zyrtarët në nivel komunal.
Dalim në pagë nga niveli i kryetarit do ta ketë nënkryetari i komunës, ku sipas koeficientit 4.1 ai do të merr rrogë prej 979.90 euro.
Sipas Ligjit, kryesuesi i Kuvendit Komunal pritet të paguhet 956 euro, ndërsa zëvendësi i tij do të merr pagë 717 euro.
Drejtor i Drejtorisë Komunale pritet të paguhet sipas koeficientit 3.8 apo 908.2 euro.
Shef i Kabinetit të kryetarit të komunës, sipas Ligjit për Pagat, do të paguhet 597.5 euro, ndërsa në nivel komunal rrogë më të vogël do të kenë anëtarët e Kuvendit Komunal që do marrin pagë prej 406.3 euro, shkruan Telegrafi.
Sipas nenit 34, ky Ligj hyn në fuqi nëntë muaj pas publikimit në Gazetën Zyrtare të Republikës së Kosovës. /Telegrafi/
