Publicisti Daut Dauti, ka ironizuar me temën e taksës dhe korrigjimin e kufijve.
Përmes një statuti në llogarinë e tij në Facebook, Dauti ka thënë se nuk ka rrezik ndaj taksës 100% ndaj produkteve serbe, por rrezik do të ishte nëse vendosej taksa për çaj, njofton Syri.net Kosova.
“Nuk ka rrezik nga taksa 100% që aplikohet ndaj mallrave serbe. Rrezik për shqiptarët në Kosovë do të paraqiste nëse kjo taksë do të vendosej për çajin. Çmimi do të shkonte aq lart sa që do të lindnin trazira serioze që do të fillonin në rajonin e Vushtrrisë, pastaj do të zgjeroheshin në Llap, Drenicë, Anamoravë … Brenda pak ditëve Kosovën do ta kaplonin trazirat me pasoja serioze politike”.
Më pas ai ka rikujtuar taksën për çajin të vendosur nga anglezët që ishte pikënisja e revolucionit të SHBA-ve për pavarësi.
