Mbishkrimet me emrin e ri Republika e Maqedonisë së Veriut, janë vendosur sot në gjuhen shqipe në vendkalimet kufitare me Serbinë në Tabanoc, me Kosovën në Bllacë dhe Jazhincë, si dhe me Shqipërinë në Qafë Thanë, transmeton Gazeta Metro.
Ndërsa, drejtori i Drejtorisë Doganore më herët ka paralajmëruar se gjatë ditës do të ndërrohen tabelat në të gjitha vendkalimet tjera kufitare.
“Planifikojmë që të gjitha të ndërrohen sot, duke pasur parasysh se mundësitë e firmave për mirëmbajtje që duhet ta bëjnë këtë, e me të cilat Drejtoria doganore ka lidhur marrëveshje”, tha Tanasoski duke u përgjigjur në pyetjen e gazetarëve para prezantimit të kurseve për mësim elektronik.
Siç ka kumtuar Qeveria e Maqedonisë Veriore, sot me publikim në Gazetën Zyrtare kanë hyrë në fuqi Marrëveshja e Prespës mbi zgjidhjen e kontestit rreth emrit me Greqinë dhe amendamentet në Kushtetutën e Maqedonisë me të cilët është ndryshuar emri i shtetit, si dhe ligji kushtetues për zbatimin e tyre./gazetametro.net
