Një satelit rus, i projektuar për të monitoruar atmosferën për rrezet kozmike me energji të lartë, ka zbuluar shpërthime misterioze mbi sipërfaqen e Tokës, thonë shkencëtarët rusë.
Ndërsa shembuj të shumtë të fenomeneve të pazakonta të motit të hapësirës janë parë në atmosferën e sipërme, ekipi që vepron në satelitin Lomonosov thotë se ajo që ata kanë gjetur mund të jetë diçka krejtësisht e re, transmeton lajmi.net.
Megjithë shfaqjen e disa shpërthimeve të fuqishme, shkencëtarët rusë thonë se nuk kishte shenja të stuhive në zonë.
Sateliti, i quajtur pas shkencëtarit Mikhail Lomonosov, u lansua në vitin 2016 dhe është i integruar me anijen Kanopus-B.
Qëllimi i tij është të studiojë rrezet kozmike me energji të lartë, duke përfshirë rrezet gama, grimcat magnetosferike dhe fenomenet e dritës së përkohshme në atmosferën e sipërme. /Lajmi.net/
- Advertisement -
