Disa media kosovare, në mënyrë joprofesionale dhe skajshmërisht të papërgjegjshme, sot kanë publikuar fotografi të vajzës e cila dyshohet se është keqpërdorur seksualisht nga profesori i saj dhe më pas edhe nga zyrtari policor në Drenas, duke e bërë publik identitetin e saj.
Imer Mushkolaj, drejtori i Këshillit të Mediave të Shkruara (KMSHK) është shprehur kritik ndaj këtyre publikimeve, duke theksuar për Klan Kosovën se identiteti i viktimës nuk është dashur kurrsesi të zbulohet.
“KMSHK dje ka bërë thirrje për kujdes në raportim”.
“Identiteti i viktimës nuk është dashur kurrsesi të zbulohet”.
“Mediat duhet ta respektojnë kodin e etikës dhe assesi të veprojnë në këtë mënyrë për pak më shumë lexueshmëri/shikueshmëri/klikueshmëri”.
“Mediat duhet të mbahen përgjegjëse për mënyrën e raportimit bazuar në rregullativën ligjore dhe kodin e etikës”.
