Politologu Faik Krasniqi, ka pohuar se Albin Kurti është lideri i vetëm që nuk i është nënshtruar Hashim Thaçit dhe PDK-së pavarësisht ofertave joshëse në drejtim të tij, përderisa të tjerët për shkak te lakmisë së pushtetit, janë bërë pjesë e pushtetit të tij.
Ai thotë se, Thaçi e din fort mirë se kur të vjen në pushtet Albin Kurti do t’i fus në burg të gjithë hajnat dhe kriminelët e PDK-së.
“Dihet se çfarë ka ndodhur pastaj me të tillët të cilët iu kanë nënshtruar Hashim Thaçit. Kjo është edhe arsyeja që Thaçi në vazhdimësi e sulmon Albin Kurtin dhe Vetëvendosjen, duke i etiketuar kështu edhe si organizate terroriste. Albin Kurti, është lideri i vetëm që nuk i nënshtrohet askujt, dhe këtë gjë e dinë shumë mirë edhe Hashim Thaçi. Pikërisht kjo është edhe frika e tij, sepse një lider i pathyeshëm nuk bën kompromise në dëm të interesave të shtetit dhe qytetarëve të tij. PDK dhe Hashim Thaçi e dinë fare mirë se kur Albin Kurti do të vijë në pushtet, do t’i fus në burg të gjithë hajnat dhe kriminelet e PDK-se, për të zezat dhe gjenocidin që ja kanë shkaktuar këtij populli. Dhe ajo ditë kur ai do të vijë në pushtet nuk do të jetë e largët”, ka thënë Krasniqi.
