Persona të panjohur kanë vjedhur 2 mijë euro në zyrat e Bashkësisë Islame në Gjilan.
Një person ka raportuar në Polici se hajnat me forcë kanë depërtuar në zyrat e BI dhe kanë dëmtuar edhe dyert.
Në vendin e ngjarjes kanë dalë njësitë policore dhe janë duke e hetuar rastin.
Zyrat e BIK në Gjilan janë në ndërtesën e xhamisë dhe menaxhohen nga të deleguarit e BIK-ut në qendër.
Ndryshe, kohë më parë edhe në Prishtinë ishin vjedhur mijëra euro në një xhami.




