Ambasada e SHBA-së në Beograd ishte djegur nga protestuesit serb me 21 shkurt të vitit 2008.
Ambasadori i SHBA-së në Serbi , Kyle Scott, i ka rikujtuar Vuçiqit djegien e ndërtesës së Ambasadës së SHBA-së në Beograd në ditë kur presidenti i Rusisë, Vladimir Putin, po qëndronte në Beograd.
Ai ka thënë se është trishtues fakti që edhe pas dhjetë vitesh, askush nuk ka dhënë përgjegjësi dhe nuk është dënuar për atë akt në Serbi.
“Më shumë se një dekadë pas djegies së ndërtesës së Ambasadës së SHBA-së në Beograd. Një jetë e humbur nga zjarri, rreth një milion dollar dëme, asnjëherë askush nuk është përgjigjur apo dënuar ! Trishtuese! “, ka shkruar ambasadori amerikan Kyle Scott.
Reagimi i tij ndodhi, dje më 17 janar, kur Aleksander Vuçiq i kishte organizuar pritje madhështore një prej kundërshtarëve të SHBA-së, Vladimir Putinit. /Lajmi.net/
Više od decenije nakon što je zapaljena zgrada @USEmbassySerbia, jednog života koji je izgubljen u tom požaru i skoro milion dolara štete, još uvek niko nije odgovarao niti je kažnjen. Tužno.
— Ambassador Kyle Scott (@usambserbia) January 17, 2019
