Ka përfunduar për sot, instervistimi në Hagë i ish-komandantit të UCK-së në Llap, Rrustem Mustafa.
Remi, në Zyrën e Prokurorit të Specializuar në Hagë, është paraqitur qysh rreth orës 10:00. Derisa, intervistimi i tij ka nisur pas mesditës.
Ish-komandanti i Zonës së Llapit nuk ka pranuar të flas për media, pasi ka dalë nga selia e Gjykatës Speciale në Holandë.
Mësohet se ai do të vazhdojë të japë dëshminë e tij edhe të martën, para një prokurori të ZPS-së në Hagë, shkruan Gazeta Express.
Gazeta Express më 6 dhjetor 2018 kishte raportuar për ftesën e parë që Zyra e Prokurorit të Specializuar ka dërguar tek ish-komandanti i UCK-së.
Pas Remit, në Hagë, të mërkurën do të intervistohet edhe ish-Komandanti i UCK-së për Drenicë, Sami Lushtaku.
Ndërkohë sa ish-deputeti kosovar po intervistohej në Hagë, një tjetër ish-ushtar i UCK-së, Sabahudin Cena, po merrej në pyetje nga një prokuror i Specializuar në Prishtinë, për aktivitetin e tij si ish-anëtar i Zonës së Pashtrikut gjatë luftës së Ushtrisë Çlirimtare të Kosovës (UÇK). /GazetaExpress/.
