Kryetari i Drenasit, Ramiz Lladrovci, brenda dy ditëve ka prezantuar tre aderime të asamblistëve në grupin parlamentar të PDK në Kuvendin Komuna të Drenasit.
Petrit Sinani i AKR-së, Nexhmedin Bala i Nismës dhe Endrit Gllareva i “Vizionit”, janë bërë pjesë e PDK-së!
Këto lëvizje i ka komentuar edhe asamblisti i VV-së, Sokol Bylykbashi. Sipas Bylykbashit ka edhe tjerë asamblist që mund ta kontrabandojnë votën e qytetarëve, por kanë vendosur të qëndrojë në parti vetëm formalishtë.
“Brenda pak ditëve, u shfaqën edhe publikisht tre kontrabandues të vullnetit të qytetarëve në Kuvendin Komunal të Drenasit. Ka edhe të tjerë, veçse ata duket që kanë vendosur të rrijnë formalisht në partitë e “tyre”. Veç aman mos na tregoni se çka do të beni në PDK, ngase dihet”, ka thënë Bylykbashi./Drenicapress.info
