Eksperti dhe profesori i Meteorologjisë, Sylë Tahirsylaj, ka treguar se si do të jenë temperaturat gjatë kësaj jave dhe po ashtu gjatë gjithë stinës së dimrit.
Tahirsylaj, tha që ditën e premte do të ketë më shumë reshje bore.
“Vendi ynë do të vazhdojë të jetë nën ndikimin e masave ajrore që jemi tash, këto masa vijnë nga pjesa veriore e rajonit dhe atyre që kanë qenë të pranishme prej jugperëndimit, temperaturat minimale gjatë kësaj jave do të luhaten deri në minus 3 gradë celsius dhe minus 10 gradë celsius dhe ajo maksimalja deri në 5 gradë Celsius. Ditën e premte në vendet kodrinore do të ketë reshje bore me intensitet me të madh se sa sot”, shpjegoi Tahirsylaj.
Ai tha që temperaturat minimale gjatë dimrit do të arrijnë deri në minus 22 gradë celsius.“Stina e dimrit do të jetë në konditat e vlerave shumëvjeçare mesatare të lëkundjeve së elementeve dhe dukurive meteorologjike në shkallën e vendit. temperaturat më të ulëta do të jenë minus 22 gradë celsisus në vendet kodrinore, ndërsa në ultësira do të arrijnë deri në minus 17 gradë celsius. Dimri do të jetë I begat me reshje bore dhe reshje shiu”, ka thënë Tahirsylaj për Blic.
