Deontay Wilder dhe Tyson Fury do të përballen në arena Staples Center në Los Angeles për titullin e WBC-së në pesha të rënda.
Ky duel ka nxitur interesim të madh në botën e boksit pasi të dy boksierët janë të pamposhtur.
Britaniku në karrierën e tij profesionale ka 27 fitore, 19 nga të cilat i ka përfunduar para kohe me nokau.
30-vjeçari shquhet për maturinë e tij në ring, por edhe për teknikën e lartë.
Në anën tjetër Wilder gjithashtu është i pamposhtur, por amerikani në 40 meçe (të gjitha të fituara), 39 i ka përfunduar para kohe.
Dy fitoret e fundit të Furyt janë ato ndaj Francesco Pianeta dhe Sefer Seferit.
Wilder së fundmi ka fituar ndaj Luis Ortiz.
- Advertisement -
