Presidenti i Serbisë Aleksandar Vuçiq gjatë ditës ka deklaruar se gjatë pjesëmarrjes së djeshme në përurimin e Aeroportit në Stamboll kishte kërkuar nga organizatori të hiqet flamuri i Kosovës nga ceremonia ku kanë qenë të pranishëm edhe liderë të vendeve tjera, gjë që sipas tij edhe është realizuar.
Por ndaj kësaj deklarate ka reaguar presidenti i Kosovës, Hashim Thaçi.
Thaçi përmes një postimi në Facebook, ka thënë se në Stamboll është nderuar shteti i Kosovës dhe i Shqipërisë.
“Në Stamboll të Turqisë është nderuar shteti i Kosovës dhe shteti i Shqipërisë. Krenar me respektin që u bëhet shteteve tona. Beogradi le të krrokat sa të dojë”, ka shkruar Thaçi.
Sidoqoftë mbetet e paqartë ende nëse flamuri i Kosovës është larguar apo jo nga aeroporit i Stambollit gjatë ceremonisë së inagurimit ashtu siç pretendon Aleksandar Vuçiq. /ORAinfo
