Shefi i Protokollit të ish-presidentit Ibrahim Rugova, Sali Cacaj, ka mohuar që ish-presidentit të i jetë falë xhenazja në ditën kur është varrosur në Velani, shkruan Gazeta Express.
Mirëpo një gjë të tillë e ka mohuar imami Sabri Bajgora i cili ka dërguar një fotografi në adresë të televizionit, në të cilën shihen disa hoxhallarë në ceremoninë e varrimit të ish-presidentit Ibrahim Rugova.
Ky debat është nxitur pas një intervistë të kreut të Bashkësisë Islame të Kosovës, Naim Tërnava, në emisionin Pressing të T7, i cili kishte thënë se Rexhep Bojaj madje e kishte larë edhe xhenazen e Rugovës.
Këtë gjë e ka konfirmuar për T7 edhe vetë Bojaj, duke thënë se i ka kryer të gjitha procedurat e pastrimit të trupit siç parashihet me fenë islame.
Por Cacaj e ka mohuar një gjë të tillë, duke thëën se ish-presidenti Rugova ishte varrosur me rrobat që i kishte pasur veshur./GazetaExpresss/
- Advertisement -
