Khabib Nurmagomedov konfirmohet kampion bote në peshën e lehtë në artet marciale mikse pas fitores me “submission” në raundin e katërt ndaj Conor McGregor në eventin UFC-229 që u zhvillua në Las Vegas. Një duel i jashtëzakonshëm mes dy prej kampionëve dhe ikonave të këtrij sporti, në një përballje në përgjithësi të dominuar nga rusi, që mbron titullin kampion të fituar në prill të këtij viti.
Por pas ndeshjes filloi skandali. Pas përfundimit të takimit, Khabin u përlesh me anëtarët e stafit të Gregorit, për të shkaktuar një bujë të madhe në sallë.
Presidenti i UFC-së, White ka konfirmuar se ky skandal nuk do të mbarojë këtu – pasi personat që morën pjesë në rrahje do të përballen me ligjin.
“Tre persona nga ekipi i Khabib janë arrestuar. Ata janë në rrugë për në burg. Do të fillojnë procedurat ndaj tyre. Këta djem nuk do të marrin vizat për t’u rikthyer në vendin e tyre”, përfundoi presidenti i UFC-së, Danna White.
