Po zhvillohen episodat e fundit të telenovelës së stërgjatur ‘Pogba’.
Gjatë gjithë afatit kalimtar të verës, kampioni i botës me Francën ka qenë i lidhur ngushtë me një largim të mundshëm nga ‘Teatri i Ëndrrave’, shkruan GazetaBlic.
Por si duket largimi i tij pritet të ndodhë në muajin Janar, kur agjenti i tij, Mino Raiola do t’a merr ‘timonin’ në dorë. Siç raporton tabloidi britanik ‘The Sun’, Raiola e ka marrë përgjegjësinë dhe do t’a dërgojë çështjen drejt përfundimit.
Shkëndijat e para tashmë kanë filluar të ndizen, sidomos me polemikat e fundit në mes të dyshes Mourinho-Pogba.
Ky i fundit pas eliminimit nga Kupa ‘Carabao’ kishte postuar një video duke qeshur me të madhe, ndërsa në anën tjetër, Jose Mourinho u kishte thënë lojtarëve para ndeshjes së fantazisti francez nuk do të jetë më kapiten i ‘Djajve të Kuq’.
Sipas të gjitha gjasave, ish-anëtari i Juventusit, nga muaji i parë i vitit të ardhshëm kalendarik do t’a djersitë fanellën emblematike të ‘blaugranas’.
