Kryetarit të Prishtinës, e tash edhe të PSD-së, Shpend Ahmetit, largimi nga Lëvizja Vetëvendosje, i ka kushtuar edhe me rënie të pëlqimeve nëpër rrjete sociale.
Si kryetar i PSD-së, Ahmeti nuk po mundet të arrijë as për së afërmi, numrin e pëlqimeve që i kishte në kohën sa ishte pjesë e Lëvizjes Vetëvendosje, shkruan Insajderi.
Njëri ndër postimet e fundit të Ahmetit, nuk ka arritur që t’i grumbullojë as 100pëlqime, e që dikur këtë numër të tyre e posedonte në ndonjë koment, e lëre më nëpër postime.
Ahmeti në kohën sa ishte pjesë e VV-së, kishte arritur që të merr mbi 17 mijë pëlqime nëpër rrjete sociale.
Rrjedhimisht në atë kohë, ai mesatarisht kishte mbi 2 mijë pëlqime në secilin postim që e bënte.
Rënie të pëlqimeve në rrjetet sociale kanë pësuar pothuajse të gjithë ekipi e Ahmetit që bashkë u larguan nga Lëvizja Vetëvendosje.
