Gramoz Vokrri, djali i ish-presidentit të ndjerë Federatës së Futbollit të Kosovës, Fadil Vokrri, është punësuar në Federatën e Futbollit të Kosovës, raporton Insporti.
Gramoz Vokrri është një ndër njerëzit më të afërt të presidentit aktual të Federatës së Futbollit të Kosovës, Agim Ademi.
Djali i legjendës Fadil Vokrri është punësuar së fundmi në FFK, ndërkohë që lajmin e ka bërë të ditur vet Agim Ademi në një prononcim për Insporti.com.Ai ka thënë se shumë shpejt do të bëhet publike edhe pozita e Gramozit në shtëpinë e futbollit kosovar.
“Gramozi është i angazhuar në Federatë. Po e presim organogramin e ri të UEFA-s dhe do të bëhet edhe zyrtarisht publike pozita e Gramoz Vokrrit në Federatë”, ka thënë Agim Ademi të shtunën.
Ademi ka thënë se gjithçka do të jetë publike dhe do të zbulohet nga FFK-ja për media posa të bëhet organogrami.
Agim Ademi që nga 6 korriku i këtij viti e ushtron pozitën e kryetarit të FFK-së, pozitë e trashëguar nga Fadil Vokrri i cili më 9 qershor të këtij viti ndërroi jetë
