Mediat kanë raportuar sot për një largim të mundshëm të Nismës Social Demokrate nga koalicioni qeverisës, për ti hapur rrugë zgjedhjeve të parakohshme në vend.
Madje është raportuar se Nisma do diskutoj më VV për të dërguar vendin në zgjedhje.
Por një gjë të tillë e ka quajtur si lajm të rremë sekretari i Nismës Bilall Sherifi.
I kontaktuar nga Gazeta Blic, ai ka mohuar deklarimet e tilla, duke i quajtur si fake news.
Mirëpo nuk ka mohuar se persona brenda Nismës, kanë nxjerr në media një lajm të tillë
“Burimet anonime të cilat kanë dhanë një lajm të rrejshme fake news, nuk mund ta përcaktojnë politikën zyrtare të Nismës, mund të jetë edhe qëllim për të ushtru presion mbi kryesinë e nismës nga ndonjë burim anonim nga zhvillimet personale mirëpo ato nuk ndikojnë në vendimet e Nismës”.
Mirëpo ai ka insistuar se NISMA, nuk e ka hapur fare këtë çështje
“Zyrtarisht hiq nuk ka pasur një muhabet të tillë” ka thënë Sherifi për Gazetën Blic.
