Deputeti i Kuvendit të Kosovës, Mergim Lushtaku, ka zhvilluar një takim me kryetarin e Lëvizjes BESA, Afrim Gashi.
Sipas deputetit Lushtaku, gjatë takimit me Gashin kanë biseduar për krijimin e urave të reja të komunikimit dhe bashkëpunimit Kosovë-Maqedoni.
Lexojeni të plotë postimin e Lushtakut në profiling e tij në Facebook:
Sot në Shkup takova kryetarin e Lëvizjes BESA, Afrim Gashi.
Në takimin vëllazëror shqiptar dhe konstruktiv, bashkë me kryetarin e BESA-s shprehem gatishmëri për krijimin e urave të reja të komunikimit dhe bashkëpunimit Kosovë-Maqedoni.
Lëvizja BESA tashmë është forca e dytë politike e shqiptarëve në Maqedoni dhe është mirë që punojnë dhe mbështesin proceset reformuese të vendit të tyre.
Kryetari Gashi dhe Lëvizja BESA janë në mbështetje të shqiptarëve të Maqedonisë për referendumin e 30 shtatorit.
Edhe unë si deputet i Kuvendit të Kosovës përmes kryetarit Gashi i ftova të gjithë anëtarët e Lëvizjes BESA dhe përmes rrjetit social u bëj thirrje të gjithë qytetarëve të Maqedonisë që të votojnë pro referendumit dhe të kontribuojnë për të ardhmen evropiane. E ardhmja e Kosovës, e Maqedonisë dhe tërë rajonit tonë është në NATO dhe Bashkim Evropian.
Takime të këtilla si deputet i Kuvendit të Kosovës , do t’i realizoj edhe me kryetarët e partive tjera politike në Maqedoni.
