Partitë opozitare në Drenas kanë dorëzuar kërkesën për seancë të jashtëzakonshme, me të vetmen pikë të rendit të ditës: Mbyllja e shkollave në fshatrat Abri, Gjergjicë dhe Godancë.
Lajmi është bërë i ditur përmes një komunikate, ku shkruan:
Të nderuar qytetarë,
Se bashku më përfaqësuesit e subjekteve opozitare në Drenas, sapo dorzuam kërkesën për seancën e jashtëzakonshme me të vetmen pike të rendit të ditës “Mbyllja e shkollave në fshatrat: Abri, Gjergjicë dhe Godancë.
Për ne si opozitë dhe qytetarët e Drenasit, vendimi i kryetarit Lladrovci për mbylljën e shkollavë është i papranueshëm dhe bie ndesh me të drejtën tonë për tu shkolluar. Prandaj, si opozitë e bashkuar do ndërmarrim gjithë hapat ligjor dhe kushtetues për hapjen e këtyre shkollave.
