Një i burgosur në Dubravë kishte zgjedhur një metodë të veçantë për të futur drogën në qelinë e tij. Sipas prokurorisë ai gëlltiste drogën për ta nxjerrë më pas me jashtëqitje gjatë qëndrimit në qeli.
Rreth 80 gram drogë kishte arritur ti gëlltiste K. Kryeziu pak minuta para se qelia e tij të bastisejë nga gardianët kështu përshkruhet në aktakuzën e Prokurorisë së Pejës.
Kryeziu është dënuar sot nga Gjykata e Pejës me 1 vit burgim për posedim narkotikësh.
Sipas aktakuzës Kryeziu akuzohet se në qendrën korrektuese te burgut te Dubravës pa autorizim ka poseduar 5.2 gram narkotik te llojit “Marihune”, të cilat i janë gjetur pas kontrollit në xhepa dhe çorape.
Gjithnjë sipas aktakuzës të njëjtit pas jashtëqitjes i janë gjetur dhe sekuestruar edhe 4 qese tjera plastmasi në peshe prej 80 gram, e të cilat i kishte gëlltitur më parë pasi që ishte lëshuar nga burgu për pushim ditor.
