Tre makina u përfshinë në një aksident mbrëmjen e sotme në autostradën Kavajë-Durrës. Për pasojë 3 persona mbetën të plagosur.
Ngjarja, sipas policisë, ndodhi rreth orës 20:20. Të plagosurit udhëtonin me një prej mjeteve. Ata ndodhen në spital, ku po marrin ndihmë mjekësore dhe fatmirësisht janë jashtë rrezikut për jetën.
Ndërkohë autoritetet policore po kryejnë veprimet e mëtejshme hetimore dhe proceduriale për zbardhjen e shkakut dhe rrethanave të përplasjes së mjeteve.
- Advertisement -
