Në kuadër të Seminarit Ndërkombëtar për Gjuhën, Letërsinë dhe Kulturën Shqiptare, është duke u mbajtur tryeza me temën “Edukimi Medial”.
Panelistët e kësaj tryeze, Lindita Tahiri, Abit Hoxha dhe Muhamet Jahiri, janë pajtuar se edukimi medial është shumë i rëndësishëm, transmeton Klan Kosova.
“Është shumë e rëndësishme që Edukimi Medial të futet si lëndë në shkolla, duke marrë parasysh se fëmijët kalojnë kohë të gjatë para mediave dhe se ndikimi i tyre në formimin e tyre është i madh”.
Abit Hoxha, ka treguar për atë se sa përdoren rrjetet sociale.
“Rreth 70 përqind e njerëzve marrin informata nga rrjetet sociale”.
Ndërsa Muhamet Jahiri, ka folur për “fake news” dhe ndikimin e tyre te publiku.
“Shoqëria është e pa përgatitur për t’u mbrojtur nga fenomeni i rrezikshëm i lajmeve të rreme”.
