Një shqiptar, emri i të cilit nuk bëhet i ditur nga mediat italiane, u arrestua në aeroportin e Mapelnasa në Milano, pasi u zbulua se ishte në kërkim për vrasjen e një gruaje në Gjermani.
I riu shqiptar 23-vjeçar do të vinte në Shqipëri, por autoritetet italiane e arrestuan pasi ai akuzohet se ka vrarë një grua me thikë gjatë një grabitje në Aachen.
Ndaj të riut shqiptar ishte ngritur një urdhër arresti ndërkombëtar dhe pas arrestimit pritet që ai të ekstradohet nga Italia në drejtim të Gjermanisë ku ka kryer veprën penale. Në Gjermani shqiptari kishte shkuar si refugjat 3 vite më parë.
Ngjarja ka ndodhur në janar të 2017-ës, shkruan media italiane ANSA, kur shqiptari hyri për të vjedhur një në shtëpi.
Por plani i tij doli jashtë kontrolli pasi në banesë ishte një 18-vjecare, të cilën shqiptari e qëlloi me thikë duke e lënë fillimisht të plagosur, por që më tej ndërroi jetë në spital. Express
