Edhe shtyllat prej betoni janë shkulur. Hektarë të tërë mbjellë me vreshta u shkatërruan në Toshkëz të Lushnjes pas një stuhie që mbërtheu zonën mbasditen e së premtes. Cikloni aty ku kaloi ka rrafshuar gjithçka.
Situata zgjati vetëm 30 minuta. Filloi me breshërin e përfundoi me stuhinë. Nëse prodhuesit do të kishin qenë nëpër ara do të kishte patur dhe jetë të humbura.
“Në orën 6 filloi një stuhi e fortë erdhi breshëri në fillim fare pastaj dhe pastaj i ktheu bimët përpjetë”, tregon një banor.
“Burri im ka hyrë poshtë rimorkios, rrinte te rimorkio se s’kishte ça bënte tjetër”, tregon njç tjetç tjetër banore.
Sipërfaqja e dëmtuar në vreshta llogaritet në 25 ha në Toshkëz. I gjithë prodhimi ishte gati në të vjelur. Pronarët kishin përfunduar marrëveshjet tregtare të shitjes.
Tani ata po vjelin ata ç’ka la pas stuhia. Dëmi i shkaktuar arrin në disa miliona lekë, kurse asnjë nga fermerët nuk e ka të siguruar prodhimin ç’ka do të thotë që nuk mund të përfitojnë nga ligjet e dëmshpërblimeve.