Një ngjarje tragjike ka ndodhur në Llaushë të Skenderajt, shkruan Gazeta Online Drenicapress.
Sipas zëdhënësit të policisë së Kosovës, Avni Zahiti, një peson ka humbur jetën si pasojë e një zjarri që ka kapluar dhomën e të ndjerit.
“Si pasoj e një zjarri rreth orës 18:00 në Llaushë të Skënderajt, një person ka humbur jetën”, ka thënë Zahiti.
Gazeta Online Drenicapress merr vesh se viktima ishte i paralizuar.
Trupi i të ndjerit është dërguar për obduksion.
Kryetari i komunës së Skenderajt, Bekim Jashari, i ka shprehur ngushëllime familjes së viktimës, menjëherë pas incidentit.
“I tronditur nga ngjarja e pasdites së sotme në Lagjen “Rrecaj” të Llaushës së Skenderajt, ku një bashkëqytetar i yni, rreth 45 vjeç, gjeti vdekjen si pasojë e zjarrit që ka djegur një pjesë të shtëpisë së të ndjerit.
Humbje e madhe për familjen, të afërmit dhe për qytetarët e Skenderajt.
I shpreh ngushllimet më të sinqerta familjes për djalin e tyre!
Paqtë ndjesë shpirti i tij!”, ka shkruar Bekim Jashari në Facebook./Drenicapress.info
