Sipas mediave italiane, parizienët kanë ofruar një shifër që mendohet të jetë mes 35 dhe 40 milionë eurove, por që është refuzuar menjëherë nga drejtuesit kuqezinj. Por, nëse një tratativë do të nisë mes 2 klubeve, mund të bisedohet dhe për Rabiot ose Di Marian, i cili vlerësohet 45 milionë euro nga klubi francez (me kontratën që i skadon pas 1 viti).
Marrëdhëniet e mira që Leonardo ka me kampionët e Ligue 1 bën që kjo pistë të mos lihet pas dore. Një fakt tjetër është se, aktualisht, kuqezinjtë kanë 5 portierë në grup. Chelsea theu rekord për portierin më të shtrenjtë në histori me blerjen e Kepas dhe njëkohësisht iu mbyllën dyert transferimit të Reinas te blutë e Londrës. Gjithsesi, spanjolli e kishte shprehur dëshirë e tij për të qëndruar te Milani.
Për të mos harruar se Parisi mori dhe Gianluigi Buffon e gjithashtu ka në skuadër Kevin Trapp e Alhonse Areola. Në këtë moment, klubi italian po kërkon një mesfushor cilësor dhe PSG ka të paktën 3 të tillë që mund të kënaqin skuadrën e drejtuar nga Gennaro Gattuso: Rabiot, Draxler e Di Maria.
