Milan e ka mposhtur me rezultat 1-0 Barcelonën me një gol të shënuar në fund të ndeshjes nga Andre Silva.
Skuadra italiane e ka mposhtur kampionen e Spanjës me rezultat minimal 1-0 në kuadër të International Champions Cup, transmeton Periskopi.
Barça ishte dukshëm skuadër më e mirë në fushë, por Andre Silva ishte heroi i ‘Rossonerëve’ në këtë takim.
Sulmuesi portugez shënoi në minutën e 92-të pas një asistimi të Franck Kessie.
Për Milanin kjo ishte fitorja e parë në këtë turne pasi dy ndeshjet e para i kishte humbur fillimisht nga Man Utd në penallti dhe më pas nga Tottenhami.
Barcelona nuk kishte kampanjë të mirë në International Champions Cup pasi humbi nga Roma e Milan dhe e mposhti Tottenhamin vetëm pas penalltive. /Periskopi/
- Advertisement -
