- Advertisement -
Kryeparlamentari Kadri Veseli ka takuar sot deputetët e Grupit Parlamentar 6+, me të cilët ka ndarë shqetësimin e akteve të fundit ku disa qytetarë dogjën flamurin e Turqisë.
Ai ka shkruar në faqen e tij në Facebook se askush nuk mund t’i lëndojë raportet e Kosovës me Turqinë.
“Me deputetët e Grupit Parlamentar 6 +, në një takim që pata sot, ndamë shqetësimin e përbashkët për aktin e dënueshëm ndaj simboleve të Republikës së Turqisë. Shteti i Kosovës, populli i Kosovës, i respekton dhe i nderon miqtë e vet, kulturën, simbolet dhe identitetin e tyre. Kosova ka raporte shumë të mira me Turqinë dhe askush nuk mund t’i lëndojë ato, e as nuk do ta lejojmë një gjë të tillë”, ka shkruar Veseli.
- Advertisement -
