Albin Kurti, kryetari i Lëvizjes Vetëvendosje, ka qenë për ngushëllime tek familja Demaçi pas shuarjes së Bacës Adem.
“Është e pamundshme që gjenerata jonë t’i thotë fjalët më të duhura për veprën e Demaçit”, ka thënë Kurti për Klan Kosovës, pasi ngushëlloi familjen e Mandelës së Ballkanit.
“Nuk vdiq një njeri po shkoi një epokë, shkoi një histori – ai do të mbetët gjithmonë në popullin tonë dhe kombin tonë. Unë kam kujtime të panumërta me bacën Adem, ai është njeriu i cili ka ndikuar aq shumë në të gjithë veprimtarët e çështjes kombëtare, paqësore e të armatosur, legale e ilegale”.
“Ai pati ndikim të jashtëzakonshëm edhe në mua si person edhe në Lëvizjen të cilës i përkas”.
- Advertisement -
