Situata e rënduar e zjarreve që ka përfshirë Athinën ka shqetësuar Ambasadën shqiptare atje. Nëpërmjet një postimi në rrjetin social Facebook, ambasada bën me dije së është vënë në kontakt me qytetarët shqiptarë që banojnë në zonat e prekura ku ka konstatuar se nuk ka asnjë person të lënduar mes shqiptarëve.
Reagimi:
“Ambasada shqiptare në Athinë shpreh ngushëllimet e saj më të sinqerta për familjet e viktimave të zjarreve në Greqi, dhe shprehim mbështetjen tonë të plotë ndaj autoriteteve greke. Theksojmë se Ambasada është vënë menjëherë në kontakt me qytetarë shqiptarë të zonave të prekura, ndërsa i bëjmë thirrje që për çdo nevojë t’i drejtohen Ambasadës në nr. +30 6941658183”, thuhet në faqen në Facebook të Ambasadës.
