Ky është stadiumi në të cilin do të luajë Drita në Luksemburg (FOTO)

Pas eliminimit nga Malmo në Ligën e Kampionëve, Drita do ta vazhdojë ëndrrën evropiane në Ligën e Evropës.

Skuadra gjilanase do të ndeshet me kampionin e Luksemburgut, Dudelange.

Ndeshja e parë do të luhet në udhëtim më 26 korrik, kurse ajo e kthimit më 2 gusht në Kosovë.

Stadiumi i Dudelanges quhet ‘Stade Jos Nosbaum’ dhe ka kapacitet prej 2558 ulëseve, shkruan Gazetasheshi.com.

Kjo skuadër është shpallur disa herë kampione e Luksemburgut që nga themelimi në vitin 1991.

Kujtojmë se Prishtina mbrëmë u eliminua pikërisht nga një skuadër e këtij vendi, Fola Esch në rrethin e parë të Ligës së Evropës.  /Gazeta Sheshi/