Gazetat serbe po vazhdojnë me propagandat e tyre ndaj shqiptarëve, sidomos pas fitores që shënuan Granit Xhaka e Xherdan Shaqiri ndaj Serbisë.
Gazeta serbe ‘Alo’ sot ka shkruar se babai i Granitit, Ragipi ishte dënuar me gjashtë vjet burg për fshehtësi ndaj sistemit dhe lavdërimin e ‘Shqipërisë së madhe’.
Madje sipas kësaj gazete, edhe gjesti i Granit Xhakës nuk ka pasur si të mos vinte, pasi po i ndjek hapat e babait, transmeton Periskopi.
‘Gjesti i Granitit duke bërë shqiponjën shqiptare vlerësohet si ide për Shqipërinë e Madhe dhe nuk e ka befasuar askënd, pasi futbollisti po vazhdon hapat e babait të tij ekstremistët’, shkruan gazeta Alo.
Siç shkruan Alo, Ragipi ishte një nga separatistët shqiptarë të viteve tetëdhjeta të shekullit të kaluar dhe ndër shqiptarët e parë që bërtitën “Republika e Kosovës”.
‘Xhaka bëri thirrje për bashkimin e të gjithë shqiptarëve në një vend dhe krijimin e Shqipërisë së Madhe në vitin 1986, gjë që i solli disa vjet burg. Më saktësisht, ai u dënua me gjashtë vjet burg për fshehtësi ndaj sistemit’, transmeton Periskopi.
Tutje gazeta serbe shkruan se ‘ familja e Xhakas nuk i pëlqen serbët dhe Serbinë është dëshmuar më së miri nga fakti se, përveç Ragipit, ishte edhe xhaxhai i tij i cili u burgos me 15 vjet për fyerje. Pas largimit nga burgu, Ragip u zhvendos në Zvicër ku Graniti lindi në vitin 1992.
Serbët u çmendën nga golat e dy shqiptarëve të cilët në fund festuan duke bërë shqiponjën.
