Qytetarë e tregtarë të automjeteve kanë dalë para Agjencisë së regjistrimit në Prishtinë duke protestuar kundër ligjit të ri për regjistrimin e veturave.
Sipas këtij ligji, pronari i mjetit nuk mund ta bëjë regjistrimin apo vazhdimin e regjistrimit të mjetit me veprim motorik, as ndërrimin e pronarit, pa e bërë shlyerjen e gjobave për kundërvajtje në trafikun rrugor.
E ky ligj po kundërshtohet nga tregtarët e automjeteve të cilët me këtë formë të regjistrimit të veturave po e kanë më të vështirë të shesin vetura, për shkak edhe të hezitimit të qytetarëve për t’i blerë në këtë formë, shkruan Indeksonline.
Ndryshe, me ligjin e ri, pasi që të ndërrohet pronësia e automjetit, shitësi i automjetit obligohet që ta çregjistrojë automjetin.
Me këtë ligj, pronari i mjetit duhet t’i ndërroj targat e regjistrimit me të reja nëse njëra nga targat i ka humbur, dëmtuar, shkatërruar, amortizuar deri në atë masë që bëhet e papërdorshme.
”Dënohet me gjobë nga njëqind (100) € personi i cili vepron në kundërshtim me paragrafin 1 të këtij neni” thuhet në ligj.
Shih më poshtë disa fotografi nga protesta. /Indeksonline/
