Kosova në përgjithësi, e futbolldashësit e saj në veçanti, sot po e përjetojnë një ditë pikëllimi.
Ka ndërruar jetë Fadil Vokrri, njeriu më meritor për suksesin e futbollit në këtë vend, qoftë si lojtar e qoftë si drejtues i Federatës së Futbollit.
Zyrtari i Eulexit, Bengt Persson është personi i parë që i ka dhënë ndihmën Fadil Vokrrit pas sulmit në zemër në një qendër fitnesit në Prishtinë dhe që i mori jetën.
Zyrtari policor i Eulex-it kishte qëlluar rastësisht në qendrën e fitnesit kur kishte parë se Vokrrit i ishte vështirësuar gjendja.
Ky rast ka prekur gjithë shqiptarët anë e mbanë, ku ka pasur reagime të shumta nga krerë e qytetarë të thjeshtë. Edhe mediat ndërkombëtare kanë shkruar për legjendën e futbollit kosovar.
Familjërë e miq kishin shkuar menjëherë në QKUK, ku edhe shihen shumë të pikëlluar pas vdekjes së Vokrrit.
