Tyson Fury nuk e nënvlerson Sefer Seferin edhe pse është favorit për ta fituar këtë përballje
Boksieri britanik do të përballet me Sefer Seferin sonte nga ora 23:00 në Manchester Arena, shkruan Periskopi.
Fury është treguar modest me deklaratën e tij para meçit me Seferin ku nuk e ka nënvlersuar aspak.
“Unë nuk shoh asgjë të keqe pse përzgjodha Seferin. Pse duhet të kritikohet kjo? Njerëzit nuk e njohin fare atë. Ai ka peshuar 95 kilogram në matjet zyrtare,” ka thënë Fury.
“Sikurse Mike Tyson, Evander Holyfield dhe Muhammed Ali. Nuk mund të keni vëmendjen vetëm te masa kur flisni për kategoritë e rënda, theksoi Fury duke shtuar se do të jetë një shfaqje fantastike e boksit mes tij dhe shqiptarit.
Ai tutje foli edhe për Anthony Joshuan, ku tha që nuk mendon fare për të pasi së pari duhet të ndeshet me Seferin.
“Nuk mendoj fare për Joshuan. Kundërshtari im i radhës është Sefer Seferi. Mbajeni mend këtë emër. Këtë njeri duhet ta mposht së pari,”./Periskopi/
