KF Feronikeli shpreh ngushëllime për vdekjen e Fadil Vokrrit.
Lexojeni reagimin e Niklit:
Me pikëllim të thellë e pritëm lajmin që në moshën 58 vjeçare, pas një komplikimi shëndetësor, ka ndërruar jetë kryetari i Federatës së Futbollit të Kosovës, Fadil Vokrri.
Klubi ynë i shpreh ngushëllime familjes, federatës, sportdashësve dhe të gjithë qytetarëve të Kosovës.
Humbja e tij është një humbje e madhe për popullin tonë.
Të gjithë jemi dëshmitarë të suksesit dhe ngritjes që ka përjetuar futbolli kosovar prej se në krye të federatës kishte ardhur Fadil Vokrri, ndërkaq loja dhe shpirti i tij luftarak në fushë do të mbetet model dhe shembull inspirimi për lojtarët e tanishëm dhe ata të ardhshëm.
Të falënderojmë që e ndriçove rrugën e futbollit kosovar drejt pranimit në federatat më të mëdha të futbollit dhe që e bëre të mundur shpërfaqjen e talentit kosovar kudo në botë.
Fadili i dha shumë Kosovës, andaj i qoftë i lehtë dheu i saj!
Shpirti i tij u prehtë në paqe!
