Qeveria e Kosovës është detyruar t’ia paguajë 53 milionë euro kompanisë Bechtel-Enka, si pasojë e vonesave që u bënë rreth ndërtimit të autostradës “Arben Xhaferi”.
Ministri aktual i Infrastrukturës, Pal Lekaj, ka thënë se Kosova ka nënshkruar kontratë me vlerë prej 600 milionë eurosh me Bechtel-Enkan për ndërtimin e autostradës.
Sipas Lekajt, Bechtel-Enka i ka marrë deri tash 500 milionë euro për projektin.
Kompania do të marrë edhe rreth 100 milionë euro të tjera, plus shumën e gjobës prej 53 milionë eurosh.
Në anën tjetër, ish-ministri nga radhët e LDK’së, Lutfi Zharku ka thënë se nuk ekziston asnjë faturë e vetme qe Qeveria nuk ia ka paguar Kompanisë Bechtel Enka.
Zharku thotë se kjo Kompani nuk ka kryer asnjë punë për të cilën nuk është paguar.
Ai ka treguar në T7 se kontrata ishte paraparë të zgjaste 42 muaj, por për shkak të mungesës së buxhetit, kontrata nuk është përfunduar me kohë./Periskopi
