Tashmë ka nisur tryeza e Vetëvendosjes me partitë politike, ku temë kryesore e diskutimit janë zgjedhjet e parakohshme, raporton Periskopi.
Fjalën i pari e mori kryetari i VV’së, Albin Kurti, i cili tha se Kosova nuk mundet të vazhdojë të qeveriset nga një pakicë parlamentare.
Me të marrë fjalën, Kurti e nisi me kritika për Qeverinë Haradinaj e presidentin Thaçi.
Ai përmendi shumë çështje për të cilat thotë se shteti ka dështuar, siç është deportimi i gylenistëve, procesi i shpronësimit në Hade e Shipitullë, ratifikimi i një marrëveshje me të cilën Kosova humb territor, themelimi i një marrëveshje të dëmshme për Kosovën, siç e quan ai Asociacionin.
“Çka din ky kryeministër. Atë e ka marrë Thaçi me qira për Demarkacionin. Nëse ka veç pak etikë, ai duhet të jap dorëheqje e vendi të shkojë në zgjedhje të parakohshme. Ky kryeministër për karrige e bën edhe Zajednicën”, ka thënë Kurti.
“Haradinaj duhet të japë dorëheqje, ose ne si opozitë në Kuvend e iniciojmë mocionin e mosbesimit”, tha tutje Kurti./Periskopi
